Желтоқсанның 22 күні Петропавл қаласында «Жас өнертапқыш-2022» атты облыстық фестиваль өтті. Бұл фестивальдің мақсаты Петропавл қаласы мен Солтүстік Қазақстан облысының 10 жастан 17 жасқа дейінгі аралықта дарынды және талантты балаларды ғылыми – техникалық, жаратылыстану-ғылыми бағыттардың жүйесін қолдау және дамыту . Фестиваль екі бағытта ұйымдастырылды: IT технологиялар және биотехнологиялар. Біздің мектебіміздің 7"А" сыныбының оқушысы Сарсанбай Жансерік "Биохимия" пәні бойынша электрондық практикум әзірлеп, жүлделі үшінші орынға ие болды.
Жансерік өз пікірімен бізбен бөлісті:"Маған бұл жобалардың байқауы ұнады,себебі, мен жаңа тәжірибе алдым және көпшіліктің алдында қорықпай сөйлеуді үйрендім. Осы байқауы маған оң әсер берді: мен басында қобалжыдым, бірақ сосын уақыт өте келе қобалжығаным басыла түсті. Мен бастаған жобаны қайта дамытқым келеді. Мен үшін «Оқушылар сарайына» дайындалып келген балалар өте мықты болды. «Оқушылар сарайы»-жаңа мүмкіндіктер алаңы.
«Жас өнертапқыш – 2022» фестивалінде жеңімпазын дайындаған үшін жас маман, химия пәнінің мұғалімі Уразбаева Гульнара Атабаевна «Digital urpak»-тың директоры Д. Абильмажиновадан «Алғыс хат» алды.
